స్నేహితులతో సరదాలతో
విరబూసిన నవ్వులతో
చిలిపి తగాదాలతో
మది నిండే భావాలతో
కలసి నడచే సాయంత్రాలతో
కలలు కనే నడి రాత్రులతో
కలుసుకునే ఉదయాల కోసం ఎదురు చూపులతో.....
స్నేహం తోడుగా
కాలం సాక్షిగా
కరిగిపోయిన గతాన్ని
అప్పుడప్పుడు గుండె గుప్పిళ్ళ నుండి
జారవిడిచి అపురూపం గా తరచి చూసుకుంటూ
నిన్నని నేడుగా భావిస్తున్నాను
నేడు నిన్నలో జీవిస్తున్నాను
అయినా ఎందుకో .....ఇప్పుడిలా మరణించి
అప్పటి నాలా...మళ్ళా జన్మించాలనివుంది
......................................................................
......................................................................
గతం తలుపులు తెరుచుకుని
జ్ఞాపకాల వీధుల్లో
ఒంటరి పక్షి లా తిరుగుతున్నాను
అప్పటి స్నేహపూరిత హస్తాలను మళ్ళీ స్పృశిద్దామని
రేపటి లోకి ఆశ గా ఎదరు చూస్తున్నా...
ఒకప్పటి పసిదనం ఛాయలు మఛ్చుకైనా
రాకపోతాయా అని..
నిజానికి..
రేపటి పై ఆశ లేదు
నిన్నటి ని చేరాలని ఆరాటం తప్ప
నేటి గురించి ఆలోచన లేదు
అప్పటి అనుభూతుల నెమరివేత తప్ప
No comments:
Post a Comment
all are very happy to everone